Sar kateiy to kat jaye

na-vaqif raastoN par jaayeN kidhar, kidhar nahiN
raah.e manzil ke safar meiN ab koi rehbar nahiN

aiy dil akele dhoondna hai apni manzil ka pata
ab koi pehlu nahiN daaman nahiN chashm.e tar nahiN

ji liye wo zindagi bhi jismeiN shaamil tu na tha
ab tere dar ke safar meiN jaan bhi jaye fikar nahiN

tere gesuoN ki laToN mein haiN hazaaroN gul bandhey
apna bhi dil to shaakh.e gul hai ye koi patthar nahiN

hausloN ki udanoN meiN kisi ka darr nahiN
sar kaTey to kaT jaye par kaTey ye parr nahiN

fais