Tu pila tou kabhi sharab.e deed

Uljhi uljhi woh yaar ki baateN

Kitnee dilkush theeN pyaar ki baateN
MeetHe lafzoN se Dakaa Daalta hai

looT leti haiN yaar ki baateN

Aa gaye tum tou miT gaye shikwey

ChoRo ab intezaar ki baateN

Ek nashsha sa hone lagta hai

Jab woh karta hai pyaar ki baateN

Mujh ko dekar KhazaaoN ki sauGhaat

Kar raha hai bahar ki baateN

Tu pila tou kabhi sharab.e deed

Phir kareNge khumar ki bateN

“Aarzoo” is taraf haiN uske fareb

Us taraf etbaar ki baaateN

"aarzoo"

Hmmmmmmmm...

ahsaasoN se kaho ke hijaaboN mein raheiN

sar-e-aam na kareiN wasl-e-yaar ki bateiN

ye ishq-e-deedar nigahoN mein rakho

kar na deiN badnaam khumaar ki baateiN

fais..!!