Sar kateiy to kat jaye

na-vaqif raastoN par jaayeN kidhar, kidhar nahiN
raah.e manzil ke safar meiN ab koi rehbar nahiN

aiy dil akele dhoondna hai apni manzil ka pata
ab koi pehlu nahiN daaman nahiN chashm.e tar nahiN

ji liye wo zindagi bhi jismeiN shaamil tu na tha
ab tere dar ke safar meiN jaan bhi jaye fikar nahiN

tere gesuoN ki laToN mein haiN hazaaroN gul bandhey
apna bhi dil to shaakh.e gul hai ye koi patthar nahiN

hausloN ki udanoN meiN kisi ka darr nahiN
sar kaTey to kaT jaye par kaTey ye parr nahiN

fais

Jaan-e-aarzoo

har samt ayaaN haiN khumaar ki baateiN

tehreer.e ishq, fiza-o-bahaar ki baateiN

jiski khushbu se mehakta hai gulistaaN

us dida.e namnaak gulzaar ki baateiN

dhoondey jisey ye khana.e dil har soo
us rehnuma.e dil, kuu.e yaar ki baateiN

rujuu kiya qiblaru is qalb.e muztar ko jisne

us jaan.e aarzoo ke parastaar ki baateiN

gah-gah hi nikalta hai jo mahtaab is falak se

roz-o-shab dohraun us hi rukhsaar ki baateiN

''Fais''

khuwaab

barsoN tha talasha jis khuwaab ko maine

wo khuwaab mila, par khuwaab mein mere

''fais''

dil.e bejaaN ki sada

gunahgaar.e mohabbat hoon bataun kaise

naala.e dil ki sada ko maiN chhupaun kaise

is haqeeqat se taDapna hai shab-o-roz isko

kambakht dil ko samjhaun to samjhaun kaise

kaisi maayusi hai aur kitna bezaar hai ye

phir se anjuman is dil meiN sajaun kaise

taDapta rahe is haal mein gar taDapna hi hai

is dard mein dard.e dava maiN laaun kaise

wo gaya choD ke tanhaaN in tufanoN meiN
TooTe hue safeene ko ab paar lagauN kaise

jiske peeche hoN hazaroN qafile mohtaaj

dil.e bejaaN ki sada usey pahunchaun kaise

''fais''

ta'umr rahe jis taghaful se mehfooz ham

faqat ishq.e butaaN ne wo bharm tod diya

Sab kuch laga chuke..!!

Sab kuch laga chuke the mohabbat mein daav par

Lekin na sar jhukne diya ghairat ne paaun par

Mera safar buland pahado ki aur tha

Tum janib-e-sagar chale kaghaz ki naav par

Sirf ek mukhtasar si mulaqaat ho saki

Ham tum mile the waqt ke ulte bahaav par

Achcha ho tum agar mujhe dil se bhula sako

Mumkin nahi ki aayein ham phir ek padaav par

"Fais"

Dreamz Are Dreamz.

sometime i feel im flying so high,

much more above than the blue sky

sometime i feel im shinning so bright,

much more than the stars twinckling in the sky

but.....

deamz are dreamz when we see while closing our eyes,

dreamz are dreamz when we see while closing our eyes

sometime i feel i can vanish the way i want,

much more fantastic than an angel in the sky

but......

dreamz are dreamz when we see while closing our eyes,

dreamz are dreamz when we see while closing our eyes

we lead in dreamz in the shadow of the night,

we live in dreamz in the shadow of the light

we follow the things hard to achieve,

and we go for the things shine and bright

but...

dreamz are dreamz when we see while closing our eyes,

dreamz are dreamz when we see while closing our eyes

sometime i feel i can make all my dreamz come true,

coz the flame of inspiration is much more higher than the sky of blue.

!!!Fais!!!